Kipa Kekahi Akua i Waimānalo

Haʻi hou ʻia e Hiʻohiʻa a me Mālama Honua Public Charter School

HŪI! Hele mai, e ʻai! E ʻai a māʻona i ka moʻolelo o ko kākou ʻāina! ʻO ka hoʻokipa malihini ʻana kekahi loina mai nā kūpuna mai. E heluhelu mai i ka moʻolelo kuʻuna no ke kipa ʻana mai o kekahi malihini ʻihiʻihi i Waimānalo.

Ua paʻi ʻia kēia pūkaʻina puke nei ʻo Laʻi Waimānalo i makana na nā keiki a me nā ʻohana o Waimānalo. He hana ia i alu ai nā leo o ke kaiāulu, nā mea ʻauamo moʻomeheu, a me nā kānaka noiʻi no ka palapala ʻana a me ka paipai ʻana i nā mea kūikawā—ʻo nā moʻolelo, nā hana kuʻuna, a me nā ʻāina—o Waimānalo, kahi i aloha nui ʻia.